Грамадства1717

«Можа, самі пабудзьце святымі?» Ксёндз Лашук адказаў на расследаванне пра яго сувязі з «кашальком» Лукашэнкаў, а пасля выдаліў пост

Стаўбцоўскі ксёндз Ігар Лашук, пра цесныя фінансавыя сувязі якога з «кашальком» сям'і Лукашэнкаў Аляксандрам Зайцавым стала вядома з расследавання Беларускага расследавальніцкага цэнтра, не стаў маўчаць і рэзка адрэагаваў на крытыку ягоных дзеянняў.

Айцец Ігар Лашук. Фота са старонкі стаўпецкай парафіі Святога Казіміра ў фэйсбуку 

Паводле Беларускага расследавальніцкага цэнтра, у верасні 2021 года святар Ігар Лашук заснаваў кампанію «Аліс ма», на якую падсанкцыйныя ўладальнікі кампаніі «Брэміна груп», што належыць Аляксандру Зайцаву, перапісалі частку сваёй маёмасці. І гэта прытым, што займацца бізнэсам каталіцкім святарам забараняе нават кананічнае права.

Рэакцыя на дзеянні ксяндза Лашука ў сацсетках была збольшага крытычная, прытым абурэнне выклікала не столькі само супрацоўніцтва святара з праўладным бізнэсменам, колькі ступень заангажаванасці ў супрацоўніцтва. Хоць былі і спробы паставіцца да яго дзеянняў з разуменнем. Як напісаў адзін з удзельнікаў дыскусіі,

«мы не маем маральнага права крытыкаваць тых, хто застаўся ва акупацыі, хто нешта робіць і вымушаны там жыць. Нам, жывучы ў Варшавах і Вільнях, вельмі проста цкаваць беларусаў за вымушанае супрацоўніцтва з рэжымам. Але ж мільёны беларусаў вымушаныя так жыць… Лепш напасці на ксяндза, які ў залежнасці, як і тыя, хто вымушана жыве пры гэтым рэжыме».

На падобныя заўвагі, аднак, ішлі пярэчанні такога агульнага характару, што ўсё залежыць ад ступені заангажаванасці ў супрацоўніцтва, тая ж ступень, пра якую стала вядома з расследавання БРЦ, яўна пераўзыходзіць патрэбы звычайнага выжывання і ператрывання.

У адным з такіх абмеркаванняў да дыскусіі далучыўся сам Ігар Лашук, які напісаў наступную рэпліку:

«Можа, самі пабудзьце святымі і, каб пабудаваць касцёл, знайдзіце хады ва ўладзе, якія нават зямлі не даюць, хады ў іерархіі касцёльнай, якія нічым не дапамогуць і не могуць, а таксама грошы: народ бедны, а касцёл мець хоча. Заграніца, якая не дапамагае, бо на першым месцы ці то Афрыка, а цяпер Украіна».

Такім чынам Ігар Лашук, які за гады святарства займеў славу «ксяндза-будаўніка», фактычна засведчыў, што галоўнай матывацыяй, якая схіліла яго да такога шчыльнага заангажавання ў супрацоўніцтва з праўладным бізнэсменам, стала жаданне без праблем скончыць узвядзенне будынка касцёла, усе ж іншыя меркаванні на гэтым фоне выступаюць як другасныя. 

У той жа час на старонцы свайго касцёла ў фэйсбуку ксёндз Лашук запачаткаваў дыскусію па гэтым пытанні, даўшы ўводны правакацыйны пост:

«Сабакі брэшуць, а караван ідзе. Людзям не дагодзіш і не дакажаш, усё адно на крыж павесяць, ці тыя, ці гэтыя».

Прыхільнікі такой пазіцыі ксяндза былі, але былі і крытыкі. Крытыка вялася перадусім па лініі абмеркавання таго, што для святара мусіць быць важнейшае — будынкі ці душы. Рэпліка журналіста і каталіцкага актывіста Максіма Гацака была не менш рэзкай, чым сам пост:

«Прыкольна вы вернікаў называеце сабакамі. Упэўнены, што вашыя паводзіны і заявы дакладна ўмацуюць аўтарытэт Касцёла ў Беларусі (спойлер — не). Касцёлы, канечне, будуць стаяць пустымі, але ж пабудаванымі за грошы, з дапамогай якіх б'юць беларусаў і пагражаюць украінцам. Поспехаў вам і вашаму сябру-рыцару, які называў Касцёл «педафілічнай арганізацыяй». Але грошы, відаць, не пахнуць». 

Чытайце таксама: Папа Францішак: Фінансавыя скандалы шкодзяць добраму імені Касцёла

Не вельмі дыпламатычным быў і ксёндз Юры Барок: «Паскудствам займаешся, Ігар… Мэты не апраўдваюць сродкаў! А камяні і цэгла не заменяць жывых душ. Касцёл — гэта не тое, што ты будуеш». 

Праз некалькі гадзін ксёндз Ігар Лашук свой пост выдаліў.

Ксяндза Ігара Лашука часам называюць «ксяндзом-будаўніком». Ëн узвёў касцёлы ў мінскай Серабранцы, рушчыцаўскім Багданаве, а цяпер будуе ў Стоўбцах. 

Каментары17

  • Федзя.
    23.04.2023
    Стесняюсь спросить, а кто тут святой отец?
  • відьмаявідьма
    23.04.2023
    а я музычку послушаю

    youtube.com/watch?v=z83uGEiI1Oc
    Сплин - Храм

    Постскриптум. Я пишу тебе, пишу!
    Привет тебе ! Тебе - и малышу!
    Так долго строить храм и сжечь за миг.
    Лишь может тот, кто этот храм воздвиг.
  • по чем нынче опиум для народа?
    23.04.2023
    «Можа, самі пабудзьце святымі?»
    а можа табе, дзядзька, заняцца якой рэальнай справай?
    а не дурыць галовы бабулькам і дзецям
    не сорамна?

Цяпер чытаюць

Актывістка Наста Базар папрасіла ў сяброў грошы на жыццё. Меркаванні радыкальна падзяліліся21

Актывістка Наста Базар папрасіла ў сяброў грошы на жыццё. Меркаванні радыкальна падзяліліся

Усе навіны →
Усе навіны

Кашалёк Лукашэнкі стаў уладальнікам брэнду музычнага фестывалю, куды запрашаюць расійскіх Z-спевакоў4

«Літва — зона камфорту». Як 21-гадовая беларуска бясплатна вучыцца ў тэхнічным універсітэце і працуе ў IT4

Што хаваецца за бананавай індустрыяй Коста-Рыкі. У Еўропу трапляюць «чыстыя» бананы, але хто расплачваецца за гэта?13

Каля станцыі метро «Пушкінская» здарылася масавая аварыя4

Ціханоўская пра прапагандысцкі фільм БТ: Мы ніколі не будзем рызыкаваць людзьмі25

У Мінскай вобласці — выбух атручванняў сурагатным алкаголем. У гэтым годзе ўжо 4 чалавекі загінулі ад яго1

ChatGPT адкрыў функцыю Deep Research для карыстальнікаў з самай таннай падпіскай. Вось як яна працуе і што можа3

Пуцін назваў умову, калі Расія не будзе прэтэндаваць на Адэсу і іншыя ўкраінскія гарады30

Пракапеня прадаў крыптабіржу Currency з беларускімі каранямі інвестарам3

больш чытаных навін
больш лайканых навін

Актывістка Наста Базар папрасіла ў сяброў грошы на жыццё. Меркаванні радыкальна падзяліліся21

Актывістка Наста Базар папрасіла ў сяброў грошы на жыццё. Меркаванні радыкальна падзяліліся

Галоўнае
Усе навіны →

Заўвага:

 

 

 

 

Закрыць Паведаміць