АЗС, што належыць кампаніі апальнага бізнэсмена Юрыя Чыжа «Трайпл», якая знаходзіцца ў працэдуры банкруцтва, будзе прададзеная на таргах 4 жніўня. Інфармацыя пра гэта размешчаная на сайце ЗАТ «Белрэалізацыя».
Пачатковая цана аб'екта складае 3 277 138,8 рубля. У час таргоў яна можа быць зменшаная да прыкладна 2,95 млн. З абцяжаранняў у дакументах згадваецца дзве дзейныя дамовы арэнды.
АЗС размешчаная ў Мінску па адрасе вул. Герояў Сталінграда, 2. Акрамя аўтазаправачнага комплексу, у яе склад уваходзіць таксама аўтамыйка і гандлёвае абсталяванне.
У чэрвені на продаж было выстаўлена яшчэ дзве аўтазаправачныя станцыі, якія належалі кампаніі «Трайпл», размешчаныя на трасе М-1.
Цяпер чытаюць
«Мне сорамна, але я нават не памятаю». Сталі вядомыя новыя падрабязнасці з працэсу здымак эмігрантаў для кіно на БТ6
Каментары