Культура

На сусветна вядомы Burning Man упершыню паедуць дзве беларускія мастачкі

У пустыню Блэк-Рок у Невадзе, дзе ладзіцца з канца 80-х Burning Man, Марыя Тарлецкая прывязе скульптуру «Пацалаваць сябе ў люстэрку можна толькі ў вусны», а Ганна Сілівончык — інсталяцыю «Камуфляж», піша «Будзьма».

Скульптура Марыі Тарлецкай «Пацалаваць сябе ў люстэрку можна толькі ў вусны»

Працы Ганны Сілівончык у маі мінулага года па палітычных матывах знялі з экспазіцыі ў Мінску. «З-за таго, што ў Беларусі я забароненая мастачка, даводзіцца шукаць іншыя магчымасці развіцця, што складана і тэхнічна, і фінансава»,— піша ў Facebook Ганна Сілівончык. Творцу можна падтрымаць, купіўшы яе працы, кнігі ці наборы паштовак.

«Маскіроўка, мімікрыя… Камуфляж, які звычайна выкарыстоўваецца чалавекам падчас палявання ці вайны, выступае тут у зусім іншай ролі: як спосаб не проста схавацца, візуальна зліцца з ландшафтам, а як мажлівасць прымераць на сябе вобраз, рысы і якасці іншага», — так характарызуе сваю працу Ганна Сілівончык.

Інсталяцыя Ганны Сілівончык

Паводле мастачкі, інсталяцыя візуалізуе тугу па ідэальным свеце, дзе чалавек не імкнецца супрацьпаставіць сябе прыродзе, а адчувае яе сэрцабіцце і дыхае з ёй ва ўнісон.

У каманду мастакоў, якія паедуць на фэст, што збірае штогод пад 80 тысяч чалавек, таксама ўключана мастачка Марыя Тарлецкая, вядомая сваімі працамі з металу.

Скульптура «Пацалаваць сябе ў люстэрку можна толькі ў вусны» пра тое, як палюбіць сапраўдную версію сябе. У сабраным выглядзе яна сягае 2,4 метра ў вышыню і 3,5 метра ў шырыню.

Да Сіэтла мастачка везла скульптуру ў чамадане ў разабраным і няпоўным выглядзе: частку дэталяў планавалася купіць на месцы, а потым перавезці праз усе Штаты да месца правядзення фэсту.

Каментары

Цяпер чытаюць

Лойка пра будучага пераемніка Лукашэнкі: Адчуваецца, што дзядуля рыхтуецца, прыкідвае і глядзіць варыянты7

Лойка пра будучага пераемніка Лукашэнкі: Адчуваецца, што дзядуля рыхтуецца, прыкідвае і глядзіць варыянты

Усе навіны →
Усе навіны

Ціханоўская: Сённяшні дзень калісьці стане сапраўдным святам6

Знайшлося яшчэ адно пацвярджэнне таго, што «Амкадорам» кіруе не Шакуцін, а менеджары БелАЗа

На вайне знік без вестак «Беларус» — жыхар Бараўлянаў, які ўхіляўся ад беларускага войска, але пайшоў паміраць за Расію9

Па Мінску ўжо ездзяць першыя «васьмёркі». Усе самыя «прыгожыя» камбінацыі нумароў у ДАІ ўжо разабралі7

Сёння ноччу па ўсёй Беларусі быў мароз

Дзяўчына папрасіла ў казіно больш яе не пускаць, а яе адправілі ў падатковую

«Германія вяртаецца»: будучы канцлер Мерц дамовіўся аб рэформе абмежаванняў на дзярждоўг

Як выбраць фільм ці серыял на вечар? Сачыце за гэтымі рэсурсамі6

У Маладзечанскім раёне вяскоўцы змагаюцца з крамай, дзе прадаюць дрэнныя прадукты5

больш чытаных навін
больш лайканых навін

Лойка пра будучага пераемніка Лукашэнкі: Адчуваецца, што дзядуля рыхтуецца, прыкідвае і глядзіць варыянты7

Лойка пра будучага пераемніка Лукашэнкі: Адчуваецца, што дзядуля рыхтуецца, прыкідвае і глядзіць варыянты

Галоўнае
Усе навіны →

Заўвага:

 

 

 

 

Закрыць Паведаміць