«Мне 34 гады, я беларус, упершыню ў жыцці ўбачу мірную перадачу ўлады». Гэты допіс былога беларускага дыпламата ўзварушыў твітар
Былы супрацоўнік беларускага МЗС і палітычны аналітык Павел Слюнькін цяпер жыве ў Польшчы, дзе на выходных прайшлі парламенцкія выбары. Павел апісаў свае ўражанні ад іх — твіт прачыталі мільёны людзей.
Фота: PavelSlunkin / Twitter
«Мне 34 гады, я беларус, жыву ў выгнанні ў Польшчы.
Упершыню ў сваім жыцці я ўбачу мірную перадачу ўлады. Да апазіцыі. Пасля дэмакратычных выбараў. Пры яўцы 73% выбаршчыкаў.
Маё пасланне вам — шануйце і абараняйце сваю дэмакратыю. Вы нават уявіць сабе не можаце, які цуд у вас ёсць», — напісаў Слюнькін.
Гэта допіс сабраў больш за 11 тысяч рэпостаў і 3 мільёны праглядаў.
Слюнькін — палітычны аналітык Еўрапейскай рады па міжнародных адносінах. Больш за 6 гадоў адпрацаваў у беларускім МЗС і сышоў на хвалі пратэстаў.
Нядаўні выпуск «Ток» са Слюнькіным:
Актывістка Наста Базар папрасіла ў сяброў грошы на жыццё. Меркаванні радыкальна падзяліліся38
Каментары