Украіна пачала выкарыстоўваць інавацыйныя дроны. Яны могуць самастойна ляцець да цэляў без пастаяннага чалавечага кантролю.
Пры тэхналогію піша The Wall Street Journal.
Перавагі смарт-дронаў
Выкарыстанне разумных дронаў (smart drones) мае шмат пераваг. Перадусім гэта азначае лягчэйшае пазбяганне перашкод: дроны могуць працягваць рух да цэлі, нават калі сігналы блакуюцца.
Аўтапілотамі лягчэй кіраваць. Убудаваны камп’ютар стабілізуе дрон, таму пілот не мусіць пастаянна рабіць карэктывы.
Разумныя дроны дасягаюць цэлі, нават калі яна схаваная. Дроны могуць наносіць удары па цэлях за пагоркамі або штучнымі перашкодамі, бо яны не залежаць ад прамога сігналу.
На практыцы гэта выглядае прыблізна так. Украінскі салдат абірае цэль, напрыклад, расійскі грузавік з боепрыпасамі. Націскае на экране планшэта. Затым дрон пераходзіць у рэжым аўтапілота, гэта значыць, самастойна ляціць да цэлі. Салдат назірае, як дрон «нырае» і знішчае цэль.
Танныя і эфектыўныя
З’яўленне ў распараджэнні ўкраінскай арміі смарт-дронаў дапамагае часткова вырашыць адно з вострых пытанняў: дэфіцыт салдатаў.
Смарт-дроны — гэта таксама танная альтэрнатыва дарагім ракетам. Вялікім плюсам тут ёсць выкарыстанне недарагіх камп'ютараў унутры дронаў. Мінікамп’ютар Auterion, вядомы як Skynode, памерам з невялікі кулак. І каштуе ён прыблізна столькі ж, колькі смартфон. Гэта робіць перадавую тэхналогію смарт-дронаў даступнай.
Украіна ўжо зараз пачынае масава вырабляць разумныя дроны. Кампаніі, як згаданая Auterion з ЗША, і ўкраінскія стартапы, як Vyriy Drone, вырабляюць тысячы такіх дронаў.
Vyriy імкнецца захоўваць кошт сваіх дронаў ніжэй за $50. Вытворца выкарыстоўвае дэталі, вырабленыя ва Украіне, з некаторымі кампанентамі з Кітая і іншых краін. Гэты нізкі кошт дазваляе ім хутка нарошчваць колькасць дронаў.
Невялікія кампаніі робяць вялікі ўклад
У адрозненне ад буйных вытворцаў зброі, украінскія вытворцы дронаў малыя і інавацыйныя. Яны працуюць з невялікіх фабрык і майстэрняў, часта пад пагрозай атакі. Яны сканцэнтраваны на вырабе канкрэтных частак, такіх як прапелеры і маторы.
Большасць гэтых дронаў вядомыя як дроны першай асобы, або FPV. Дроны-FPV дазваляюць пілоту бачыць з перспектывы дрона ў рэжыме рэальнага часу. Гэта як быццам вы знаходзіцеся ўнутры дрона падчас палёту.
Пілоты кіруюць дронамі з дапамогай адмысловых акуляраў, якія ў рэжыме рэальнага часу паказваюць відэасігнал з камеры дрона. Гэтыя дроны нясуць выбухоўку, якая дэтануе пры сутыкненні.
Пагроза для расійскай абароны
Да гэтага часу расіяне абараняліся перад украінскімі дронамі, выкарыстоўваючы электронныя перашкоды. Гэты перашкоды блакавалі радыёсігналы паміж дронам і яго аператарам, з-за чаго дрон разбіваўся.
Аднак смарт-дроны могуць самастойна кіравацца да цэлі, нават калі сувязь з аператарам згублена. Гэта робіць іх значна больш эфектыўнымі.
Украіна таксама працуе над распрацоўкай сістэмы кіравання раямі дронаў. Гэта калі адзін пілот кіруе некалькімі дронамі, якія ляцяць разам і каардынуюць свае дзеянні.
Гэта дало б Украіне яшчэ большую перавагу.
Каментары