Нагадаем, што Аляксандр Тарайкоўскі загінуў вечарам 10 жніўня падчас пратэстаў у раёне станцыі метро «Пушкінская»
Паводле Наскевіча, следствам устаноўлена, што «прыкладна ў 23 гадзіны Аляксандр Тарайкоўскі, знаходзячыся ў стане моцнага алкагольнага ап'янення, аддзяліўся ад натоўпу пратэстоўцаў і, нягледзячы на шматлікія папярэджанні супрацоўнікаў праваахоўных органаў, накіраваўся ў іх бок».
«Сваімі дзеяннямі Тарайкоўскі правакаваў праваахоўнікаў, яны не ведалі яго сапраўдныя матывы і мэты яго дзеянняў, а з улікам аператыўнай інфармацыі аб магчымых тэрактах, наяўнасці ў пратэстоўцаў выбуховых рэчываў, зброі ўспрымалі яго як рэальную пагрозу жыццю і здароўю як супрацоўнікаў, так і саміх пратэстоўцаў, — сказаў Наскевіч. — У сувязі з гэтым супрацоўнікі праваахоўных органаў дзейнічалі выключна ў рамках наяўных у іх інструкцый і ўжылі ў дачыненні да Тарайкоўскага несмяротную зброю, дзеянне якой накіравана не на паражэнне, а на фізічнае спыненне з бяспечнай адлегласці, што выключае лятальны вынік».
«У сілу збегу шэрагу трагічных абставін адно з раненняў аказалася пранікальным, у выніку якога смерць Тарайкоўскага наступіла на месцы здарэння», — сказаў Наскевіч.
-
У злітай размове сілавікі абмяркоўваюць, як адсочваюць людзей па лакацыі мабільнага тэлефона. Надзейна схавацца з ім складана
-
Касы самаабслугоўвання патрабуюць беларусаў сканаваць адразу два коды. Што адбываецца?
-
«Не пойдзе на карысць прусаку». МЗС Украіны адрэагаваў на словы Лукашэнкі пра Зяленскага
Каментары