Грамадства2222

На лідара гурту Dzieciuki завялі справу «за экстрэмізм» за перапост УКантакце з анархісцкага рэсурсу

На старонцы ў сацыяльных сетках горадзенскага музыкі Алеся Дзянісава знайшлі «экстрэмізм». Копію пратакола аб заведзенай адміністратыўнай справе Дзянісаў атрымаў на мінулым тыдні па пошце, піша радыё «Свабода».

Алесь Дзянісаў не ведае дакладна, якую менавіта інфармацыю на ягонай старонцы УКантакце міліцыянты палічылі незаконнай. Пратакол складалі без яго. У дакументах пазначана, што гэта быў перапост з анархісцкага пабліка vk.com/rdbelarus, уключанага ў рэспубліканскі спіс экстрэмісцкіх матэрыялаў у 2016 годзе.

«Я лянуюся праглядаць свае пасты за 2—3 гады. Я прагледзеў толькі за год. Там ніводнага паста з гэтай старонкі няма… Я б не стаў рабіць перапосты экстрэмісцкіх матэрыялаў, якія б распальвалі нянавісць. Хутчэй за ўсё, гэта быў нейтральны пост», — кажа Дзянісаў.

Журналіст не ведаў, што згаданы паблік змяшчае экстрэмісцкія матэрыялы. Цяпер старонка заблакаваная. Зайсці туды немагчыма, як і зрабіць перапост адтуль. 

Пакуль невядома, ці перапост быў зроблены да таго, як рэсурс быў прызнаны экстрэмісцкім, ці пасля таго.

Частка 2 артыкулу 17.11 Кодэкса аб адміністрацыйных правапарушэннях прадугледжвае пакаранне ад штрафу да арышту з канфіскацыяй сродкаў, праз якія былі распаўсюджаныя забароненыя матэрыялы.

У ліпені ў кватэрах Алеся Дзянісава і ягонага калегі адбыліся ператрусы. Яны праводзіліся ў межах праверкі заявы аб паклёпе. Нібыта, заяву напісала камендантка аднаго з горадзенскіх інтэрнатаў, якія трапілі ў сюжэт тэлеканала «Белсат» пра ўмовы жыцця ў іх. Тады ў журналістаў канфіскавалі тэхніку. Дагэтуль звестак пра гэтую праверку або меркаваную справу па ёй у Дзянісава няма.

Алесь Дзянісаў — адзін з самых папулярных беларускамоўных музыкаў краіны. У прыватнасці, ён выступаў на вялікім канцэрце на Дні Волі ў Мінску ў 2018 годзе.

Раней была заведзеная крымінальная справа на Алеся Ліпая, які быў галоўным фундатарам таго канцэрта. А таксама распачатая «справа БелТА» супраць журналістаў партала Тут.бай, уласнік якога Юрый Зісер таксама выступаў на тым канцэрце.

Каментары22

Цяпер чытаюць

Актывістка Наста Базар папрасіла ў сяброў грошы на жыццё. Меркаванні радыкальна падзяліліся21

Актывістка Наста Базар папрасіла ў сяброў грошы на жыццё. Меркаванні радыкальна падзяліліся

Усе навіны →
Усе навіны

Кашалёк Лукашэнкі стаў уладальнікам брэнду музычнага фестывалю, куды запрашаюць расійскіх Z-спевакоў4

«Літва — зона камфорту». Як 21-гадовая беларуска бясплатна вучыцца ў тэхнічным універсітэце і працуе ў IT4

Што хаваецца за бананавай індустрыяй Коста-Рыкі. У Еўропу трапляюць «чыстыя» бананы, але хто расплачваецца за гэта?13

Каля станцыі метро «Пушкінская» здарылася масавая аварыя4

Ціханоўская пра прапагандысцкі фільм БТ: Мы ніколі не будзем рызыкаваць людзьмі25

У Мінскай вобласці — выбух атручванняў сурагатным алкаголем. У гэтым годзе ўжо 4 чалавекі загінулі ад яго1

ChatGPT адкрыў функцыю Deep Research для карыстальнікаў з самай таннай падпіскай. Вось як яна працуе і што можа3

Пуцін назваў умову, калі Расія не будзе прэтэндаваць на Адэсу і іншыя ўкраінскія гарады30

Пракапеня прадаў крыптабіржу Currency з беларускімі каранямі інвестарам3

больш чытаных навін
больш лайканых навін

Актывістка Наста Базар папрасіла ў сяброў грошы на жыццё. Меркаванні радыкальна падзяліліся21

Актывістка Наста Базар папрасіла ў сяброў грошы на жыццё. Меркаванні радыкальна падзяліліся

Галоўнае
Усе навіны →

Заўвага:

 

 

 

 

Закрыць Паведаміць