Грамадства

Крыніцы: Чыжа кашмараць, бо лічаць, што ён схаваў мільярды, якія трэба вярнуць у Беларусь

1 верасня быў зменены даўні ўказ Лукашэнкі аб прэферэнцыях чыжоўскаму «Трайплу», які цяпер мае вярнуць у бюджэт атрыманыя 13 гадоў таму ільготы. Сам Чыж працягвае знаходзіцца ў СІЗА. Крыніцы «Нашай Нівы» тлумачаць, што можа стаяць за гэтым рашэннем.

Сэнс прэтэнзій палягае ў тым, што ўлады лічаць, нібыта Чыж у свае найлепшыя камерцыйныя гады вывеў з Беларусі і схаваў за мяжой значную суму грошай, якая можа перавышаць мільярд даляраў. 

Юрый Чыж, фота Сяргея Гудзіліна

Цяпер Чыжа змушаюць вярнуць гэтую суму, але для таго няма юрыдычных падставаў — афіцыйна бізнэсовец павінен вярнуць толькі тое, што яму налічылі ў 2016 годзе па першай крымінальнай справе за ўхіленне ад сплаты падаткаў. Гэта ён па графіку стараецца пагашаць.

Крыніцы НН адзначаюць, што сплата па першай крымінальнай справе і дала нагоду меркаваць, што грошы ў бізнэсоўца маюцца. А змена ўказа Лукашэнкі стварае юрыдычныя абгрунтаванні для спагнання новых сум.

Разам з тым, у бізнэс-колах выказваюць сумневы пра фінансавую паспяховасць Юрыя Чыжа. Няма сумневаў, што ў свой час ён распараджаўся мільярдамі, але значная частка яго актываў цяпер кіруецца іншымі бізнэсоўцамі. А сам Чыж шосты месяц знаходзіцца ў СІЗА. Разам з ім былі затрыманыя кіраўнікі некалькіх кампаній, якія засталіся партнёрамі пасля разгрому яго імперыі.

Прэтэнзіі ў сілавікоў узніклі да топ-менеджменту «Кварцкрэйдапрама» — прадпрыемства ў Маларыцкім раёне, якое забяспечвала крэйдай бярозаўскі завод па вырабе будматэрыялаў (з бізнэс-імперыі Чыжа). Ёсць пытанні да кіраўнікоў «Данпрада» — прадпрыемства на Валожыншчыне, якое вырабляла свініну.

Нарэшце, пачаліся праблемы ў «НафтаХімТрэйдынгу» — гэта адзін з апошніх бізнэсаў Чыжа, які працягваў працаваць. У сеткі з 11 заправак, тры з якіх знаходзяцца ў Мінску, забралі ліцэнзію на продаж паліва.

Як вядома «Нашай Ніве», гэта справа перагукаецца з ранейшай крымінальнай справай супраць Чыжа ў 2016-м, калі яго затрымлівалі па падазрэнні ва ўхіленні ад сплаты падаткаў у асабліва буйным памеры. 

Тады справа да суда не дайшла, бо Чыж прызнаў віну і кампенсаваў шкоду. Але як можна меркаваць, рахунак яму выставілі немалы і расцягнуты ў часе. Ён па сёння вінны і дзяржаве, і бізнэс-партнёрам, якія спаганялі з яго даўгі праз суд. 

Каментары

Цяпер чытаюць

Муж галоўнай гераіні прапагандысцкага фільма БТ скончыў жыццё самагубствам22

Муж галоўнай гераіні прапагандысцкага фільма БТ скончыў жыццё самагубствам

Усе навіны →
Усе навіны

«Вельмі добрая і прадуктыўная». Трамп пракаментаваў сваю размову з Пуціным4

Якія назвы вуліц самыя папулярныя ў Беларусі?5

Пад Віцебскам інструктары ПВК «Вагнер» трэніруюць афрыканскіх байцоў кіраваць дронамі2

ЗША і Расія зрабілі заявы пасля размовы Трампа і Пуціна25

У Ленінградскай вобласці ўпаў вайсковы верталёт, ёсць загінулыя2

Парламент Германіі прыняў гістарычнае рашэнне3

У «Мінск-Свеце» зноў патоп: вада льецца з балконаў і затапляе пад'езды5

Стварыць уласны сайт для бізнэсу або блогу нашмат прасцей і танней, чым вы думаеце1

Беларуская падсанкцыйная кампанія закупляе абсталяванне ў ЗША6

больш чытаных навін
больш лайканых навін

Муж галоўнай гераіні прапагандысцкага фільма БТ скончыў жыццё самагубствам22

Муж галоўнай гераіні прапагандысцкага фільма БТ скончыў жыццё самагубствам

Галоўнае
Усе навіны →

Заўвага:

 

 

 

 

Закрыць Паведаміць