Беларусь павінна адмяніць ліквідацыю экалагічнай арганізацыі, інакш краіну чакаюць чарговыя абмежаванні
Беларускія эколагі на міжнародным узроўні дабілася прызнання, што ліквідацыі арганізацыі «Экадом», якая шмат год займалася пытаннямі экалогіі ў краіне, з’яўляецца пераследам і ўціскам. Такое рашэнне прынята ўпершыню ў гісторыі Орхускай канвенцыі. Беларускім уладам рэкамендавана да 1 снежня ўзнавіць «Экадом», інакш краіну чакаюць чарговыя абмежаванні.
Што такое Орхуская канвенцыя? Гэта канвенцыя Еўрапейскай эканамічнай камісіі ААН аб доступе да інфармацыі, удзеле грамадскасці ў працэсе прыняцця рашэнняў і доступе да правасуддзя па пытаннях, якія тычацца навакольнага асяроддзя. У Беларусі Канвенцыя была зацверджана ў 1999 годзе, палажэнні Канвенцыі з'яўляюцца часткай нацыянальнай сістэмы заканадаўства і з’яўляюцца абавязковым да выканання.
21 кастрычніка на сустрэчы бакоў Орхускай канвенцыі было прынята рашэнне па Беларусі, якое прызнала ліквідацыю «Экадома» пераследам і ўціскам няўрадавай арганізацыі. Рашэнне прадугледжвае прыпыненне для Беларусі правоў і прывілеяў, згодна з Канвенцыяй, калі краіна не ўзновіць дзейнасць «Экадома».
Што гэта значыць на практыцы? Па-першае, чарговы іміджавы ўрон для краіны на міжнародным узроўні. Па-другое, магчымае згортванне экалагічных праграм і падтрымкі, якую краіна атрымлівала дзесяцігоддзямі. Многія экалагічныя праблемы ў Беларусі, у тым ліку звязаныя з наступствамі Чарнобыльскай аварыі, вырашаліся за кошт міжнароднай дапамогі.
Больш дэталёвы план дзеянняў будзе зразумелы бліжэй да лютага 2022-га, калі пастанова ўступіць у сілу. Варта адзначыць, што гэта першы выпадак у гісторыі, раней ніводная краіна не была ў такім становішчы. Ва ўладаў ёсць час да 1 снежня, каб узнавіць «Экадом», пасля пачнуцца наступствы.
Нагадаем, у жніўні суд ліквідаваў «Экадом». Знішчэнне арганізацыі было часткай разгрому грамадзянскай супольнасці Беларусі пасля таго, як ЗША і ЕС увялі санкцыі супраць рэжыму Лукашэнкі.
«Не НДА, НКА і іншая дрэнь». Лукашэнка прапанаваў «заканадаўча вызначыць грамадзянскую супольнасць»
Цяпер чытаюць
Лукашэнка абмеркаваў з Рыжанковым «крокі па аднаўленні даверу з заходнімі краінамі»15
Каментары