Свет55

Венгрыя заблакавала дапамогу ЕС Украіне на 50 мільярдаў еўра

«Вынікі начной змены: вета на дадатковыя грошы Украіне», — напісаў у ноч на пятніцу ў сетцы Х прэм'ер-міністр Віктар Орбан.

Віктар Орбан. Фота: Omar Havana / AP

Венгрыя заблакавала на саміце Еўрасаюза рашэнне аб выдзяленні Украіне эканамічнай дапамогі ў памеры 50 мільярдаў еўра, піша Бі-бі-сі.

Старшыня Еўрапейскай рады Шарль Мішэль пацвердзіў, што лідары краін ЕС не змаглі дамовіцца аб уключэнні дапамогі Украіне ў бюджэтны план Еўрасаюза.

Паводле слоў Мішэля, супраць гэтага выступіла адна краіна. Ён яе не назваў, але больш ніхто не робіць сакрэту з таго, што гэта Венгрыя. Паводле слоў Мішэля, лідары краін ЕС вернуцца да гэтага пытання ў пачатку наступнага года.

«Я не хачу ўдавацца ў падрабязнасці, бо я хачу папрацаваць з калегамі найбліжэйшымі днямі, найбліжэйшымі тыднямі, каб падрыхтаваць саміт, які адбудзецца налета, у пачатку наступнага года», — цытуе старшыню Еўрапейскай рады агенцтва AFP.

Прыкладна пра тое ж напісаў у Х і Віктар Орбан. «Мы вернемся да гэтага пытання на Еўрапейскай радзе налета, калі як след падрыхтуемся», — паведаміў венгерскі прэм'ер.

Акрамя 54 млрд эканамічнай дапамогі, Еўрасаюз мае намер закласці ў бюджэт і 24 млрд на вайсковую дапамогу Украіне. Пра тое, што будзе з гэтай апошняй сумай, еўрапейскія лідары на саміце пакуль не паведамілі.

У чацвер, у першы дзень саміту Еўрасаюза, лідары краін ЕС вырашылі афіцыйна пачаць перамовы аб уступленні ў ЕС Украіны (а таксама Малдовы), і Венгрыя на чале з Орбанам не стала гэтаму перашкаджаць, хоць венгерскі прэм'ер і працягнуў казаць, што Украіна не гатовая да пачатку перамоваў.

Орбан даўно варагуе з Украінай, абвінавачваючы яе ў прыгнёце венгерскай меншасці. Акрамя таго, Орбан даўно варагуе і з Бруселем, а цяпер спрабуе пры дапамозе ўкраінскага рычага дамагчыся размарозкі долі Венгрыі памерам 30 млрд еўра ў асігнаваннях з агульнага катла ЕС.

Еўракамісія замарозіла гэтыя грошы, абвінаваціўшы Венгрыю ў парушэнні прынцыпу вяршэнства закона, а больш канкрэтна — ва ўшчамленні незалежнасці суддзяў.

Орбан і сябры яго ўрада рэгулярна выступаюць і супраць санкцый у дачыненні да Расіі, а пасля таго, як яна напала на Украіну, сталі казаць пра бессэнсоўнасць ваеннай дапамогі ўкраінцам.

Праўда, выступаючы на публіцы супраць санкцый ЕС, Венгрыя з 2014 ціха і нязменна галасуе за падаўжэнне ўжо ўведзеных і ўвядзенне новых. Выключэнне склала толькі эмбарга на расійскую нафту, уведзенае год таму: тут Будапешт не саступіў і дамогся для сябе адтэрміноўкі.

Каментары5

  • вожык
    15.12.2023
    Як гэтае лайно аказалася ў ЕС?
  • Satan
    15.12.2023
    А это не так уж и плохо. Мож в ЕС наконец-то раздуплятся и пустят в ход 300 лярдов заблокированных российских средств. Призывы к этому всё чаще звучат на Западе. Главное начать... уверен, эти 300 млрд это не всё, что можно конфисковать у рашки. Нечего деньги из собственных бюджетов тянуть, россия начала - россия должна платить.
  • Агафон
    15.12.2023
    Усе думаў, што мне нагадвае сітуацыя ў ЕС. Дык гэта ж Рэч Паспалітая перад падзеламі. І зноў вушы Расеі тырчаць, якая адцяпае новыя тэрыторыі. Венгрыя відаць пітае ілюзію, што ёй Закарпацце аддадуць. Падзел ужо пачаўся. Беларусь ужо Расеі злілі.

Цяпер чытаюць

Муж галоўнай гераіні прапагандысцкага фільма БТ скончыў жыццё самагубствам22

Муж галоўнай гераіні прапагандысцкага фільма БТ скончыў жыццё самагубствам

Усе навіны →
Усе навіны

«Вельмі добрая і прадуктыўная». Трамп пракаментаваў сваю размову з Пуціным4

Якія назвы вуліц самыя папулярныя ў Беларусі?5

Пад Віцебскам інструктары ПВК «Вагнер» трэніруюць афрыканскіх байцоў кіраваць дронамі2

ЗША і Расія зрабілі заявы пасля размовы Трампа і Пуціна25

У Ленінградскай вобласці ўпаў вайсковы верталёт, ёсць загінулыя2

Парламент Германіі прыняў гістарычнае рашэнне3

У «Мінск-Свеце» зноў патоп: вада льецца з балконаў і затапляе пад'езды5

Стварыць уласны сайт для бізнэсу або блогу нашмат прасцей і танней, чым вы думаеце1

Беларуская падсанкцыйная кампанія закупляе абсталяванне ў ЗША6

больш чытаных навін
больш лайканых навін

Муж галоўнай гераіні прапагандысцкага фільма БТ скончыў жыццё самагубствам22

Муж галоўнай гераіні прапагандысцкага фільма БТ скончыў жыццё самагубствам

Галоўнае
Усе навіны →

Заўвага:

 

 

 

 

Закрыць Паведаміць