Свет11

ЗША працягнулі санкцыі адносна ўладаў Беларусі яшчэ на год

Прэзідэнт Злучаных Штатаў Джо Байдэн 13 чэрвеня падпісаў дакумент аб працягу санкцыяў, уведзеных супраць Аляксандра Лукашэнкі і ягонага атачэння яшчэ Джорджам Бушам-малодшым у 2006 годзе.

Фота: Walter Bibikov / Getty Images

16 чэрвеня 2006 года, пасля фальсіфікацыі вынікаў прэзідэнцкіх выбараў у Беларусі, гвалтоўнага разгону мірных пратэстаў і зняволення аднаго з кандыдатаў на прэзідэнцтва, Злучаныя Штаты ўвялі персанальныя санкцыі супраць Аляксандра Лукашэнкі, ягонага сына Віктара і яшчэ васьмёх беларускіх чыноўнікаў, нагадвае Белсат.

Яшчэ да таго, у кастрычніку 2004-га, Злучаныя Штаты прынялі Акт аб дэмакратыі ў Беларусі, які забараніў розныя тыпы негуманітарнай фінансавай дапамогі Беларусі з боку ЗША, стратэгічны экспарт і дзяржаўныя інвестыцыі ў Беларусь, закрыў доступ у Штаты шэрагу лукашэнкаўскіх чыноўнікаў.

Прэзідэнт ЗША Джордж Буш-малодшы ў акце выстаўляў рэжыму Лукашэнкі шэраг патрабаванняў: расследаваць знікненне апазіцыйных палітыкаў, вызваліць палітычных вязняў і зняць палітычна матываваныя абвінавачанні. У выпадку невыканання супраць афіцыйнага Менску мусілі быць уведзеныя санкцыі, што і зрабілі ў 2006-м.

З таго часу ЗША не скасоўвалі санкцыяў адносна Беларусі, толькі змякчалі ці прыпынялі, у 2021 годзе аднавілі праз падзеі падчас выбараў-2020 і захоп самалёта «Ryanair». Санкцыі трэба працягваць штогод, што цяпер і зрабіў Джо Байдэн.

«Дзеянні і палітыка некаторых чальцоў ураду Беларусі ды іншых асобаў, а таксама шкодная дзейнасць і даўнія злоўжыванні рэжыму Беларусі працягваюць уяўляць незвычайную і надзвычайную пагрозу нацыянальнай бяспецы і вонкавай палітыцы Злучаных Штатаў», — гаворыцца ў дакуменце, падпісаным Байдэнам.

Незадоўга да гэтага, 8 чэрвеня, ЗША апублікавалі новы Акт аб дэмакратыі ў Беларусі. А ў дзень падпісання працягу санкцыяў з візітам у ЗША знаходзілася абраная прэзідэнтка Беларусі Святлана Ціханоўская.

Каментары1

  • Woodoo Cult
    14.06.2024
    "А ў дзень падпісання працягу санкцыяў з візітам у ЗША знаходзілася"
    гэтыя дзве падзеі ніяк не звязаны. У той дзень шмат хто знаходзіўся з візітам у ЗША. Пакіньце ўжо свае вільготныя мары, НН.

Цяпер чытаюць

Стала вядома пра смерць 41-гадовага былога палітвязня з Гродна Аляксея Аўсюкевіча1

Стала вядома пра смерць 41-гадовага былога палітвязня з Гродна Аляксея Аўсюкевіча

Усе навіны →
Усе навіны

Непаўналетняя дзяўчына здзейсніла самагубства на ўпісцы ў Брэсцкай вобласці

Дачка прэс-сакратара Пуціна выйшла замуж і змяніла прозвішча12

«Гэта добры знак салідарнасці». Тадэвуш Кандрусевіч падзякаваў за тое, што людзі маліліся за яго здароўе

Літоўскія эліты лічаць галоўным выклікам для краіны пагрозы з боку Беларусі і Расіі5

Новы беларускі анекдот пра памер2

Памежны камітэт расказаў сваю версію закрыцця беларуска-латвійскай мяжы

Расіянін паспрачаўся, што прысядзе 2 тысячы разоў. Заклад ён выйграў, але ў яго сталі ныркі5

Павел Дураў падзякаваў французскім следчым3

Пажар у Ikea ў Вільні ажыццявілі падлеткі з Украіны па замове расійскіх спецслужбаў6

больш чытаных навін
больш лайканых навін

Стала вядома пра смерць 41-гадовага былога палітвязня з Гродна Аляксея Аўсюкевіча1

Стала вядома пра смерць 41-гадовага былога палітвязня з Гродна Аляксея Аўсюкевіча

Галоўнае
Усе навіны →

Заўвага:

 

 

 

 

Закрыць Паведаміць