Улада

«Сусед адной з дачок міністра сельскай гаспадаркі. Задача — яго на месца паставіць». З'явіўся новы зліў ад былых сілавікоў

Аб'яднанне былых сілавікоў апублікавала сёння аўдыязапіс размовы, на якой чутны галасы, падобныя да галасоў начальніка Дзяржынскага РАУС Яўгена Жылінскага і намеснкіа начальніка крымінальнай міліцыі УУС Мінаблвыканкама Ігара Качалава. Падчас размовы ідзе абмеркаванне «працы» па Каліноўскім. Галасы называюць яго суседам дачкі міністра сельскай гаспадаркі, і яго, як вынікае з размовы, на самым высокім узроўні «папрасілі паставіць на месца».

«Гэта Качалаў. Слухай, скажы мне, вось у цябе матэрыял зарэгістраваны па Каліноўскім такім», — кажа першы голас, падобны да Качалава.

«Так», — адказвае другі, падобны да Жылінскага.

«Ну-ка, штосьці я чытаю фабулу і недаўязджаю, сэнс, што ў яго там знайшлі?» — пытае першы голас.

«Ну, тыпу перабітыя нумары. Падазрэнне. Нам каманда генерала, бл****, пад яго працаваць як паложана, — адказвае другі. — У Копішава (прозвішча начальніка крымінальнай міліцыі УУС Мінаблвыканкама — заўв. «НН») гэта на кантролі. Ну вось трэба было неяк машыну забраць, вось і забралі. Прыдумалі.

«Так, а вы ж пратакол яшчэ склалі, гэта што вось такое? У дачыненні да Каліноўскага складзены пратакол ч. 1 арт. 19.11 КаАП («Распаўсюд, выраб, захоўванне, перавозка інфармацыйнай прадукцыі, якая ўтрымлівае заклікі да экстрэмісцкай дзейнасці ці прапагандуе такую дзейнасць» — заўв. «НН»)?» — блытаецца першы голас.

«Мы склалі 19.11 па тым, што ў яго на тэлефоне, зарэгістраваны на «нэксту», — адказвае другі.

«На забароненую, так?» — пытаецца першы.

«Так», — гаворыць другі.

«А агляд у яго па месцы жыхарства ўсё зрабілі, так?» — задае пытанне першы.

«Гэта раней мы рабілі», — удакладняе другі.

«А гэты Каліноўскі, хто такі, за што ён увогуле. Што ён з сябе ўяўляе? Чаго гэтага Каліноўскага зачапілі?» — зноў запытваецца першы.

«Гэта ў міністра на кантролі стаіць. Там ён, бл****, сусед адной з дачок міністра сельскай гаспадаркі, так скажам. Там у іх вайна між сабой. Сказалі па ім папрацаваць, вось і ўсё — працуем», — гаворыць другі голас.

«А ён бэчэбэшнік, так, яры?» — пытаецца першы.

«Неа. Ён былы супрацоўнік фінансавай міліцыі. Сядзеў у турме строгага рэжыму па ч. 3 арт. 209 КК (Махлярства — заўв. «НН»), — адказвае другі. — Ну, вось у іх сваркі, так бы мовіць, там суседскія. Ну, і вось аж дайшло да верху. Да нас ні хр*** не звярталіся, а вось па самым-самым версе прайшліся, спусціліся да міністра і пасля міністр ужо спусціўся ніжэй».

«Карацей, як такавая палітыка тут не палітыка, так?» — удакладняе першы голас.

«Увогуле ніякай, абсалютна, — пагаджаецца другі. — Тут проста задача стаіць, каб яго на месца паставіць».

Чытайце таксама:

«Вы хацелі, каб там адны дурні працавалі?» Як беларускія сілавікі спрабуюць падмануць Інтэрпал

Каментары

Цяпер чытаюць

Муж галоўнай гераіні прапагандысцкага фільма БТ скончыў жыццё самагубствам

Грамадствабудзе дапоўнена

Муж галоўнай гераіні прапагандысцкага фільма БТ скончыў жыццё самагубствам

Усе навіны →
Усе навіны

Пуцін: Не слухайце Пяскова, у яго праца такая2

Сілуэт хмарачоса ўжо вымалёўваецца. Як цяпер выглядае шматпакутны «Газпрам Цэнтр» у Мінску ФОТА5

Сталі вядомы магчымыя ўмовы Расіі для спынення агню ва Украіне6

Парашэнка: Зяленскі вядзе Украіну «ў бок дыктатуры»10

Скон тарашкевіцы. Закрыццё «Радыё Свабода» можа завяршыць моўную эпоху46

У квартале «Мінск-Свет» з’явіліся дамы з двухузроўневымі кватэрамі4

Ціханоўская: Дэмакратычныя перамены ў Беларусі гарантуюць 1000 кіламетраў бяспечнай мяжы Еўрасаюзу15

Расійскага коміка затрымалі ў Беларусі за жарты пра ўдзельнікаў СВА. Беларускія сілавікі павесілі на коміка мясарубку12

Лукашэнка абмеркаваў з Рыжанковым «крокі па аднаўленні даверу з заходнімі краінамі»23

больш чытаных навін
больш лайканых навін

Муж галоўнай гераіні прапагандысцкага фільма БТ скончыў жыццё самагубствам

Грамадствабудзе дапоўнена

Муж галоўнай гераіні прапагандысцкага фільма БТ скончыў жыццё самагубствам

Галоўнае
Усе навіны →

Заўвага:

 

 

 

 

Закрыць Паведаміць