На таргах у Мінску зноў не змаглі прадаць элітны аздараўленчы комплекс Evo wellness club у Мінску, які належыць кампаніі «Трайпл» апальнага бізнэсоўца Юрыя Чыжа. Яго спрабавалі прадаць на пляцоўцы ЗАТ «Белрэалізацыя», але ахвотных набыць нерухомасць не знайшлося, піша «Зеркало».
Таргі, прызначаныя на 14 сакавіка, але не адбыліся, бо не знайшлося ахвотных у іх удзельнічаць. Цяпер чакаюцца паўторныя таргі.
Клуб прапаноўвалі ўдзельнікам аўкцыёну за 12 млн 13 тыс. рублёў. Гэтая сума на 1 млн 335 тыс. рублёў (10%) меншая, чым была на папярэдніх таргах 5 студзеня, якія таксама не адбыліся. Тады за нерухомасць хацелі атрымаць 13 млн 348 тыс. рублёў.
Evo wellness club размяшчаецца ў Мінску па адрасе вул. Максіма Багдановіча, 155. Гэта вялікі комплекс плошчай звыш 4 тысяч «квадратаў» з фітнэс-цэнтрам, спа-зонай, басейнам, салонам прыгажосці, рэстаранам і іншымі ўстановамі для наведвальнікаў і персаналу. Паводле пэўных звестак, установа ўжо некалькі гадоў была стратнай.
Цяпер чытаюць
Муж галоўнай гераіні прапагандысцкага фільма БТ скончыў жыццё самагубствам14
Каментары