Вайна

Прыгожын заявіў аб вывадзе 99% наймітаў ПВК «Вагнер» з Бахмута. Ён сцвярджае, што Мінабароны РФ замініравала шляхі выхаду яго падраздзяленняў

Кіраўнік ПВК «Вагнер» Яўген Прыгожын заявіў пра фактычна поўны вывад наймітаў з захопленага Бахмута Данецкай вобласці Украіны. У сваім тэлеграм-канале ён сцвярджае, што шляхі адыходу з Бахмута замініравалі расійскія вайскоўцы.

«На 2 чэрвеня практычна 99% падраздзяленняў ПВК «Вагнер» пакінулі Бахмут. Усе пазіцыі перададзеныя ў належным парадку Міністэрству абароны. Ніякіх пытанняў, заўваг няма», — паведаміў Прыгожын.

Паводле яго, з боку УСУ правакацый не было. Аднак «сюрпрызы чакалі з іншага боку».

«Незадоўга да нашага выхаду мы выявілі падазроную актыўнасць на шляхах нашага вылучэння. У рамках выяўлення гэтай падазронай актыўнасці мы выклікалі праваахоўныя органы і сталі даследаваць шляхі нашага выхаду ўздоўж дарог.

Мы выявілі каля дзясятка месцаў, дзе былі размешчаныя розныя выбуховыя прылады, пачынаючы ад сотняў процітанкавых мін і заканчваючы тонамі пластыду».

Прыгожын кажа, што вагнераўцы выклікалі «праваахоўныя органы», каб усё задакументаваць.

Ён сцвярджае, што «цяпер вядуцца разбіральніцтвы і расследаванні».

«Тыя, хто закладваў гэтыя зарады, былі прадстаўнікамі Міністэрства абароны. На пытанне, для чаго вы гэта рабілі, яны тыкаюць пальцам уверх. На пытанні пакуль не адказваюць. <…> Ніхто не пацярпеў.

Што гэта было? Мы мяркуем, што гэта была спроба публічнай лупцоўкі», — паведаміў Прыгожын.

Прыгожын абвясціў аб выхадзе ПВК «Вагнер» з Бахмута 25 мая. Ён абяцаў перабазіраваць наймітаў у тылавыя лагеры да 1 чэрвеня і перадаць пазіцыі рэгулярнай арміі. Аб поўным захопе Бахмута Прыгожын аб'явіў 20 мая.

Баі за Бахмут ішлі са жніўня 2022 года, у кастрычніку да іх далучылася ПВК «Вагнер». 

Страты расійскіх войскаў там склалі забітымі і раненымі, паводле розных ацэнак, 60-100 тысяч чалавек. 

Каментары

Цяпер чытаюць

Муж галоўнай гераіні прапагандысцкага фільма БТ скончыў жыццё самагубствам1

Муж галоўнай гераіні прапагандысцкага фільма БТ скончыў жыццё самагубствам

Усе навіны →
Усе навіны

На фабрыцы ў Слуцку загінуў электраманцёр: яго збіў недасведчаны кіроўца пагрузчыка

Пуцін: Не слухайце Пяскова, у яго праца такая2

Сілуэт хмарачоса ўжо вымалёўваецца. Як цяпер выглядае шматпакутны «Газпрам Цэнтр» у Мінску ФОТА5

Сталі вядомы магчымыя ўмовы Расіі для спынення агню ва Украіне6

Парашэнка: Зяленскі вядзе Украіну «ў бок дыктатуры»10

Скон тарашкевіцы. Закрыццё «Радыё Свабода» можа завяршыць моўную эпоху46

У квартале «Мінск-Свет» з’явіліся дамы з двухузроўневымі кватэрамі4

Ціханоўская: Дэмакратычныя перамены ў Беларусі гарантуюць 1000 кіламетраў бяспечнай мяжы Еўрасаюзу15

Расійскага коміка затрымалі ў Беларусі за жарты пра ўдзельнікаў СВА. Беларускія сілавікі павесілі на коміка мясарубку12

больш чытаных навін
больш лайканых навін

Муж галоўнай гераіні прапагандысцкага фільма БТ скончыў жыццё самагубствам1

Муж галоўнай гераіні прапагандысцкага фільма БТ скончыў жыццё самагубствам

Галоўнае
Усе навіны →

Заўвага:

 

 

 

 

Закрыць Паведаміць