Мандат спецдакладчыка ААН па Беларусі працягнулі яшчэ на адзін год
13 ліпеня на 53-й сесіі Рады па правах чалавека адбыліся разгляд і галасаванне па рэзалюцыі па сітуацыі з правамі чалавека ў Беларусі. Рэзалюцыя прадугледжвае прадаўжэнне мандата спецдакладчыка па правах чалавека ў Беларусі на адзін год і заклікае ўлады ўзаемадзейнічаць з ім і вярнуцца да дыялогу, а таксама даць яму магчымасць наведваць Беларусь і камунікаваць з зацікаўленымі асобамі ва ўрадзе і з ліку грамадзянскай супольнасці.
Згодна з праведзеным галасаваннем рэзалюцыя была прынятая:
- 20 краін-удзельніц выступілі «за»;
- 6 — «супраць»;
- 21 — «устрымалася».
Такое рашэнне абумоўлена ў тым ліку тым, што ўлады Беларусі працягваюць ціснуць на грамадзянскую супольнасць і пераследаваць праваабаронцаў.
Такім чынам, мандат спецдакладчыка па Беларусі быў прадоўжаны яшчэ на адзін год.
Цяпер чытаюць
«Мне сорамна, але я нават не памятаю». Сталі вядомыя новыя падрабязнасці з працэсу здымак эмігрантаў для кіно на БТ6
Каментары