Грамадства1111

Судзяць жанчыну, якая адмовілася размаўляць з Азаронкам — пагражае да 12 гадоў. А з яе тэлеграм-акаўнта актыўнічае ГУБАЗіК

Імаверна, прычына ў двух каментарах у тэлеграме. Незадоўга да затрымання Наталля Крук вярнулася з Польшчы.

Наталія Крук, Наталия Крук
Наталля Крук. Фота з яе старонкі Укантакце

Мы пісалі пра Наталлю Крук у жніўні 2023-га. Тады губазікаўцы паказалі відэа з адважнай мінчанкай — жанчыну спрабаваў апытаць Азаронак, але яна не захацела адказваць на яго пытанні.

Наталлі Крук 39 гадоў. Пасля 2020-га яна выехала ў Польшчу і спрабавала там адкрыць свой бізнэс. Але ён прагарэў, бо Наталлю падмануў партнёр.

Апошняе паведамленне, якое яна пакінула ў тэлеграме, датаванае 31 мая 2023-га — яна шукала, з кім у чэрвені вярнуцца ў Беларусь.

Апошняе паведамленне, якое пакінула Наталля ў тэлеграме

Па вяртанні яе затрымалі. Было невядома, за што яе будуць судзіць, але губазікаўцы адразу заявілі, што яна застанецца за кратамі.

Імаверна, жанчыну судзяць за два каментары ў тэлеграме, сэнс якіх зводзіцца да таго, што «каб перамагчы, нам патрэбная забастоўка». Гэта палічылі «заклікамі да дзеянняў, якія наносяць шкоду нацыянальнай бяспецы Беларусі». Яшчэ адзін артыкул — 342 КК РБ, удзел у пратэстах.

Знайшлі яе вельмі проста — акаўнт Наталіі падпісаны яе ўласным імем, а таксама прывязаны да яе беларускага нумару.

Пакуль жанчына за кратамі, губазікаўцы вырашылі скарыстацца яе акаўнтам. Яны пакінулі два каментары ад яе імя, абодва датычацца Аляксандра Азарава і плана «Перамога». Абодва каментары пакінулі 15 сакавіка 2024 года.

Каментары, якія губазікаўцы пакінулі з акаўнта Наталіі

Суд на Наталляй пачнецца 7 мая ў Мінскім гарадскім судзе.

@nashanivanews Азаронак накінуўся на прарасійскую актывістку — што было далей #азаренок #беларусь #конфликт #лукашисты #нашаніва #беларусьновости #новостибеларусь ♬ Funny Guy - Parry Music

«Наша Нiва» — бастыён беларушчыны

ПАДТРЫМАЦЬ

Каментары11

  • Шпілеўская
    27.04.2024
    Азаронку будзе нашмат цяжэй. Колькі тэрмінаў пажыццёвых атрымае гэта пачвара? В'ю будуць браць кожны дзень у грышы.
  • Профиль
    27.04.2024
    Присваивают не только квартиры, телефоны, и другое имущество, но даже аккаунты в мессенджерах
  • Рудзик
    27.04.2024
    Посмотрите лучше комментарии в канале "Белорусский силовик". Уб.... хох...., утопить их де....
    И это вы считаете не экстремизмом?

    А тут даже никакого намёка на экстремизм нет, у Натальи. Наоборот, высмеивание беглых змагаров.

Цяпер чытаюць

Муж галоўнай гераіні прапагандысцкага фільма БТ скончыў жыццё самагубствам17

Муж галоўнай гераіні прапагандысцкага фільма БТ скончыў жыццё самагубствам

Усе навіны →
Усе навіны

Стварыць уласны сайт для бізнэсу або блогу нашмат прасцей і танней, чым вы думаеце1

Беларуская падсанкцыйная кампанія закупляе абсталяванне ў ЗША5

Трамп даручыў перагледзець санкцыйную палітыку ЗША

Пуцін і Трамп гаварылі праз тэлефон амаль 2,5 гадзіны16

Інстаграм Вольгі Карач і суполку брэсцкіх таксістаў дадалі да спісу «экстрэмісцкіх матэрыялаў»2

У Польшчы знік беларус. Ён не выходзіць на сувязь з сям'ёй і не з'яўляецца на працы4

«Пул першага» адказаў Украіне на «таракана» 9

«Ён у сейфе ў бяспецы». Ці ўдалося за год прадаць скандальны гадзіннік Франака Вячоркі?14

На фабрыцы ў Слуцку загінуў электраманцёр: яго збіў недасведчаны кіроўца пагрузчыка

больш чытаных навін
больш лайканых навін

Муж галоўнай гераіні прапагандысцкага фільма БТ скончыў жыццё самагубствам17

Муж галоўнай гераіні прапагандысцкага фільма БТ скончыў жыццё самагубствам

Галоўнае
Усе навіны →

Заўвага:

 

 

 

 

Закрыць Паведаміць