Выйшаў з друку «Беларускі каляндарны энцыклапедычны даведнік», які падрыхтаваў гісторык і краязнавец з Гродна Уладзімір Хільмановіч. Кнігу надрукавалі ў Беластоку, куды аўтар мусіў выехаць пасля падзей 2020 года. Выданне выйшла пры падтрымцы «Стыпендыі Адраджэння» і тыднёвіка беларусаў у Польшчы «Ніва», піша «Радыё Свабода».
«Можна сказаць, што гэта справа ўсяго майго жыцця. 30 гадоў працаваў над гэтым даведнікам, за гэты час не было дня, каб нічога не ўносіў новага: праўкі, удакладненні, новыя імёны і падзеі дадаю бясконца. Апошнія звесткі з'явіліся літаральна перад друкам», — расказаў Уладзімір Хільмановіч на прэзентацыі, якая прайшла 2 сакавіка ў Вільні ў Цэнтры беларускай супольнасці і культуры.
Гэта другое выданне календара, першае выйшла ў 2008 годзе. У новай кнізе значна больш падзей і імёнаў, сабраныя багатыя і цікавыя звесткі пра беларусаў, вартых памяці.
«На кожны дзень года — старонка тэксту», — адзначыў аўтар.
У тым ліку ў календары цяпер ёсць звесткі пра памерлых беларускіх палітвязняў і беларускіх ваяроў, якія загінулі ва Украіне.
«У імянным паказальніку, які суправаджае каляндар, каля 1800 прозвішчаў — гэта ўдвая больш, чым у першым выданні», — паведаміў краязнавец пра сваю кнігу.
«Гэта мае цагліны ў той дом, які яшчэ намі не дабудаваны, — дом нацыянальнай памяці. На гэтай будоўлі наперадзе ў нас яшчэ шмат працы», — сказаў Хільмановіч. Паводле аўтара, ён рабіў сваю кнігу так, каб яна зацікавіла не толькі краязнаўцаў і гісторыкаў, але была карыснай і цікавай таксама звычайнаму чытачу, для якога не менш важна ведаць і не забываць «гістарычныя пазнакі».
Аўтар «Беларускага каляндарнага энцыклапедычнага даведніка» плануе пазней змясціць сваю кнігу ў інтэрнэце. Пакуль жа яе можна атрымаць падчас прэзентацый, запланаваных у Польшчы і іншых краінах, дзе жывуць беларусы.
Хільмановіч сказаў, што цяпер засяродзіцца на падрыхтоўцы да выдання краязнаўчага даведніка «Месцы і людзі», прысвечанага 17 раёнам Гродзенскай вобласці. Матэрыялы да гэтага выдання гісторык збіраў шмат гадоў, у тым ліку падчас сваіх навуковых экспедыцый і прыватных паездак па Гродзеншчыне. Працу над выданнем гісторыку давялося часова прыпыніць праз ад'езд з радзімы, але ён плануе яе абавязкова скончыць.
Цяпер чытаюць
Мінчук абурыўся кантынгентам у сталічным метро: Усе з новымі айфонамі, але не могуць дазволіць сабе танную машыну ці паездкі на таксі?20
Каментары
Имя **Владимир** имеет старославянское происхождение. Оно образовано от корней:
- **"влад-"** (от старославянского *владѣти* — «владеть, править»),
- **"-мир"** (означает «мир» или «вселенная», в некоторых контекстах — «спокойствие, гармония»).
Таким образом, имя можно перевести как **«владеющий миром»**, **«правитель мира»** или **«тот, кто приносит мир»**.
### Известные носители имени:
- **Владимир Святославич** — князь, крестивший Русь (X век).
- **Владимир Ленин** — революционер, основатель СССР.
- **Владимир Путин** — действующий президент России.
- **Владимир Набоков** — русский и американский писатель.
Имя распространено в России, Украине, Беларуси и других славянских странах. Его аналог в германских языках — **Вальдемар** (Waldemar).