У Мінску мужчына, каб заплаціць за здымную кватэру, распрадаў маёмасць гаспадыні
Кватарант заклаў у ламбардзе тэлевізар і ўладкаваў распродаж чужой бытавой тэхнікі.
Мінчанка здавала кватэру 38-гадоваму мужчыне без дамовы. Падчас аднаго з візітаў яна заўважыла, што з кватэры знік тэлевізар за 600 рублёў. Жанчына звярнулася ў міліцыю.
Аказалася, чужой маёмасцю распараджаўся кватарант. Мужчына заклаў тэлевізар у ламбард, а грошы патраціў на асабістыя патрэбы — у тым ліку на арэндную плату, піша БелТА.
Акрамя таго, мужчына скраў фен, роўтар, мікрахвалёвую печ і прас сваёй арэндадаўцы.
Рэчы ўжо канфіскаваныя і будуць вернутыя ўладальніцы. На кватаранта завялі крымінальную справу за крадзеж. У яго ўжо ёсць судзімасць за аналагічнае злачынства.
Мінчук абурыўся кантынгентам у сталічным метро: Усе з новымі айфонамі, але не могуць дазволіць сабе танную машыну ці паездкі на таксі?16
Каментары