Па сюжэце, дзеянне адбываецца ў пачатку 1990-х гадоў у Расіі.
Брытанскі актор Джуд Лоу заявіў, што здымецца ў ролі Уладзіміра Пуціна ў экранізацыі рамана Джуліяна да Эмполі «Крамлёўскі чараўнік». Пра гэта ён распавёў у інтэрв'ю Deadline.
Здымкай карціны зоймецца французскі рэжысёр Аліўе Асаяс, акрамя Лоу ў ёй з'явяцца акцёры Пол Дано, Алісія Вікандэр, Зак Галіфіанакіс і Тым Стэррыдж. Калі выйдзе кіно, невядома.
«Я кажу гэта нерашуча, бо я яшчэ толкам не пачаў працаваць над гэтым. Гэта значыць, я ўжо пачаў, але цяпер гэта падобна на ўзыходжанне на Эверэст, таму я стаю ля падножжа гары і гляджу ўверх, думаючы: «О, Божа, што я сказаў?». Менавіта так я часта сябе адчуваю, калі кажу «так». Я думаў: «Божа, як я гэта зраблю?». Але ў любым выпадку, гэта ўжо мне вырашаць», — распавёў Лоу.
Фільм «Крамлёўскі чараўнік» — экранізацыя аднайменнага рамана пісьменніка Джуліяна да Эмполі, які ён выпусціў у лютым 2022 года. Па сюжэце, дзеянне адбываецца ў пачатку 1990-х гадоў у Расіі.
Галоўны герой, тэлепрадзюсар Вадзім Баранаў пачынае працаваць паліттэхнолагам Пуціна і становіцца ўплывовым чалавекам. Таксама ў кнізе з'яўляюцца Міхаіл Хадаркоўскі, Барыс Беразоўскі і Яўген Прыгожын. Прататыпам самога Баранава называюць Уладзіслава Суркова, піша «Новая газета Еўропа».
-
Фільм «Пад шэрым небам», дзе прататыпам стала Кацярына Андрэева, выходзіць у польскі пракат
-
Што за расійскі серыял «Аўтсорс», пра які ўсе гавораць? У ім паказваюць, як «часам не да законаў»
-
«Купляй танна яго карціны, праз 10 гадоў ён стане сусветна вядомым!». Якім паказаны Хаім Суцін у фільме, які зняў Джоні Дэп?
Цяпер чытаюць
Мінчук абурыўся кантынгентам у сталічным метро: Усе з новымі айфонамі, але не могуць дазволіць сабе танную машыну ці паездкі на таксі?20
Каментары